వస్తూ ఉంటావు మళ్ళీ వెళిపోతుంటావు
అదేమిటని అడిగితే
జీవితంలో కష్టాలు సుఖాలు
అలానే ఉంటాయని చూపించడానికట
.
దేన్నైనా మింగేస్తావు వెలుగుని తప్ప
ఇదెందుకని అడిగితే
ధైర్యపు దీపం వెలగకపోతే
భయం నిన్ను మింగేస్తుందని చెప్పడానికట
.
తారలు చంద్రుడు నీతోపాటే ఉంటారు
మరి అదెందుకని అడిగితే
కష్టాల్లోను అవకాశపు కాంతులుంటాయని
నిరాశలో ఉన్నవారికి భోదించడానికట
.
అందరినీ నిద్రపుచ్చి నిశ్శబ్ధంగా ఉంటావు
మరి ఇదెందుకని అడిగితే
భావకులు ఏకాంతంగా కూర్చొని
రచనలు చేయడానికట
.
….చుట్టూ చీకటి కమ్మేస్తే..భయం తప్ప మరేమి లేదనిపిస్తే..నీలోనికి నువ్వెళ్ళిపో.
No comments:
Post a Comment