అప్పట్లో నిద్రపోతుంటే…..
.
గుండె కొట్టుకుంటుంది
రేపటి భయాల చప్పుడు చేసుకూంటూ
కళ్ళు మూసుకుంటున్నాయి
మనసు ముసుగును మెల్లిగా తీసుకుంటూ
దిండు అణగిపోయింది
ఆలోచనల బరువు తాళలేక
శబ్ధం నిశ్శబ్ధంగా నిద్ర పోయింది
గెలుపు కేక వేయలేని నన్ను చూడలేక
ఇప్పట్లో నిద్రపోతుంటే…..
గుండె కొట్టుకుంటుంది
నేటి ఆనందాల సవ్వడి చేసుకుంటూ
కళ్ళు మూసుకుంటున్నాయి
స్వచ్చమైన మనసుని చూసి ముసి ముసిగా నవ్వుకుంటూ
దిండు అణగిపోయింది
ప్రేమ స్పందనలతోటి కలసి
శబ్ధం నిశ్శబ్ధంగా నిద్ర పోయింది
నా గెలుపు కేకల హోరులో తడిసి అలసి.
No comments:
Post a Comment