పలకరింపుకి ముందుంటుంది
పులకరింపులో తానుంటుంది
ప్రతీ మనిషిలో దాగుంటుంది
మనసు కదిలితే మొదలౌతుంది
.
అవతలి మనిషిని గెలవాలంటే
మొదటి సాధనం తానంటుంది
మోముకి అందం తెచ్చేవాటిలొ
తనకు సాటి లేవంటుంది
.
ప్రేమ సేవ భావాలుంటే
వాటిలొ తాను కలిసుంటుంది
ఈర్షాద్వేషం కోపాలంటే
సుదూరంగా పరిగెడుతుంది
.
ప్రేయసి పెదవిపై నాట్యం చేసి
ప్రియుని మనసుని దోచేస్తుంది
ఆకాశంలో అర్ద చంద్రుని
పోటీ పడదాం రమ్మంటుంది
.
కండలు తిరిగిన పురుషులకైనా
ఒంపుల సొంపుల లలనలకైనా
పిల్లలు బామ్మలు తాతలకైనా
ఎవ్వరికైనా ఎప్పుడుఐనా
నిత్య సుగంధపు పువ్వు అది
నిత్యానందపు చిరునవ్వు అది.
No comments:
Post a Comment