అమ్మ చెప్పింది........

ఇంద్రధనసులో రంగులవోలె

పూలగుత్తిలో పువ్వులవోలె

మనిషి మనిషితో కలిసుండాలని

మనసు మనసుతో మాట్లాడాలని

అమ్మ చెప్పింది ముగ్ధహాసముతొ

.

ఈర్షా ద్వేషం వదిలెయ్యాలని

లౌక్యం సౌఖ్యం గుర్తెరగాలని

ఎదగాలంటే ఒదిగుండాలని

నీపై నీకు ప్రేముండాలని

అమ్మ చెప్పింది తీయని స్వరముతొ

.

పెద్దలయందు భక్తుండాలని

సంపాదించే శక్తుండాలని

తొలకరి చినుకులా ముందుండాలని

మంచికి ఎపుడూ తోడుండాలని

అమ్మ చెప్పింది కాంతుల కనులతొ

.

గుండెలొ ఎపుడూ బలముండాలని

పెదవులపైన నవ్వుండాలని

గమ్యపు దారిపై చూపుండాలని

సూర్యబింబమై వెలుగొందాలని

అమ్మ చెప్పింది దీవెనల మాటలతొ