ప్రేమలోకం...........

ఏటి గట్లపై పరుగులు

చేతుల్లో చేతులేస్తూ అడుగులు

పూలతోటల్లో ఆటలు

కోకిలతో పోటీ పడుతూ పాటలు

.

ఎంత చెప్పినా తరగని ఊసులు

ఆగమన్నా ఆగని నవ్వులు

ప్రపంచంతో పనిలేని చూపులు

పెదాలపై నాట్యం చేసే ముద్దులు

.

బుంగమూతి అలకలు

అలక తీర్చే కౌగిలింతలు

సయ్యాటల్లో చిలిపి విసుర్లు

వెన్నెట్లో తీపి కబుర్లు

.

ఎడబాటంటే వేదన

ప్రతీ అణువుపై ఆరాధన

ప్రేమవాయువే జీవన శ్వాస

కాలం ఇలా ఆగిపోవాలన్నదే ఆశ

.

రోజులు క్షణాలయ్యే లోకం

స్పర్శ ఆనందమయ్యే లోకం

మనసుకు మనసు తోడుండే లోకం

మాటలకందని ప్రేమలోకం.