స్వప్న జగతి.

ఎగురుతున్నాను

….కాలాన్ని రెక్కలుగా చేసుకొని

నవ్వుతున్నాను

…ప్రేమ కరుణ పెదవులుగా మార్చుకొని

ఆడుతున్నాను

…మేఘాల మీదనెక్కుతూ జారుతూ

పాడుతున్నాను

…నీటి హోరుతో చిరుగాలి సవ్వడితొ

పలకరిస్తున్నాను

…పువ్వు పువ్వుని పేరు పేరునా

పులకరిస్తున్నాను

…జాబిలితో పరుగులిడుతూ హరివిల్లుకి ముద్దులిడుతూ

విశ్రమిస్తున్నాను

…మబ్బుల పరుపుపై ఆనందపు నిట్టూర్పు విడుస్తూ.